‘වැග්නර්’ ඔබ නොදත් කරුණු මෙන්න

වැග්නර් යනු රුසියානු පැරාමිලිටරි සංවිධානයකි. [6] එය පෞද්ගලික හමුදා සමාගමක් (PMC), කුලී හේවායන්ගේ ජාලයක් සහ කලින් රුසියානු ජනාධිපතිවරයා සමඟ සමීප සබඳතා පැවැත්වූ ව්‍යාපාරිකයෙකු වූ යෙව්ගනි ප්‍රිගොෂින්ගේ  පෞද්ගලික හමුදාවක් ලෙස සැලකේ.

වැග්නර් රුසියාවේ යුද මෙහෙයුම් සඳහා සහාය දෙන සෙබළුන් 25,000කින් පමණ සමන්විත කණ්ඩායමකි. ඔවුන් යුක්‍රේනයට එරෙහි යුද මෙහෙයුමේදී රුසියානු රජයට සහාය දෙමින් මෙහෙයුම්වල නිරත විය.

පෞද්ගලික හමුදා සමාගමක් ලෙස හැඳින්වෙන රුසියානු හිතවාදී වැග්නර් කුලී හේවා කණ්ඩායම පිළිබඳ පළමුවරට වාර්තා වන්නේ 2014 දීය.

එවක රහසිගතව පවත්වාගෙන ගිය වැග්නර් කණ්ඩායම අප්‍රිකානු සහ මැද පෙරදිග කලාප රැසක මෙහෙයුම් සිදුකර තිබේ.

ඒ අතරට සිරියාව, ලිබියාව සහ මාලි ඇතුළු අප්‍රිකානු රටවල් 6 ක් අයත් වේ.

මාලි රාජ්‍යයේදී පුද්ගලයින් 500 දෙනෙක් ඝාතනය කළ බවට ද වැග්නර් කණ්ඩායමට චෝදනා එල්ල වී තිබුණි.

2022 පෙබරවාරියේ ඇරඹි රුසියානු යුක්‍රේන යුද්ධයට වැග්නර් හේවායින් සෘජුව සම්බන්ධ වූ අතර  බක්මුට් නගරය අල්ලා ගැනීමට මාස 11 ක් පැවති මෙහෙයුමේ පෙරමුණ ගත්තේ ද ඔවුන්ය.

වැග්නර් කණ්ඩායමේ නායකත්වය ගෙන සිටින යෙව්ගිනී ප්‍රිගෝෂන්, රුසියානු ජනාධිපතිවරයාගේ සමීප හිතවතෙකු ව සිටි අතර, රුසියානු අවන්හල් ජාලයක හිමිකරුවෙකු ද වේ.

රටේ ප්‍රධාන උත්සව සඳහා සත්කාරකත්වය ලබාදී ඇති ඔහුගේ අවන්හල් තුළ ජනාධිපති ව්ලැද්මීර් පුටින් සඳහා මෙන්ම අමෙරිකානු ජනාධිපති ජෝර්ජ් බුෂ් ට සහ චාල්ස් රජු ට පවා සත්කාරකත්වය සපයා ඇත.