ලූනා 25 යානය සඳේ කක්ෂයට

පසුගිය සිකුරාදා රුසියාවේ වොස්ටෝච්නි අභ්‍යවකාශ මධ්‍යස්ථානයෙන් අභ්‍යාවකාශගත කෙරුණු ලූනා 25 යානය සඳේ කක්ෂයට ඇතුළු වී තිබේ.

1976 වසරෙන් පසු සඳේ කක්ෂයට ඇතුළු වූ පළමු රුසියානු යානය මෙය බව වාර්තා වෙයි.

රුසියාව මෙලෙස සඳ ගමනක යෙදී සිටින්නේ, ඉන්දියාව ද චන්ද්‍රයාන් 3 සඳ තරණ මෙහෙයුම යටතේ සඳේ දක්ෂිණ ධ්‍රැවය වෙත ළඟා වෙමින් සිටින පසුබිමකය.

ලූනා 25 යානය සඳේ කක්ෂයට ඇතුළු වීමට දින කිහිපයකට පෙර, චන්ද්‍රයානය සඳේ කක්ෂයට ඇතුළු වුව ද එය සඳ මත ගොඩ බෑමට නියමිත ව ඇත්තේ, අගෝස්තු 23 හෝ 24 වනදායි.

ලූනා 25 යානය එළැඹෙන 21 වන සඳුදා සඳේ දක්ෂිණ ධ්‍රැවය මත ගොඩ බෑමට නියමිතව තිබේ.

ඒ අනුව, එය සාර්ථක වුවහොත් සඳේ දක්ෂිණ ධ්‍රැවයට අභ්‍යාවකාශ යානයක් ගොඩ බැස්වූ පළමු රට බවට ඉන්දියාව නොව රුසියාව පත් වනු ඇත.