පුටින්ගෙන් සැර ප්‍රකාශයක්

තවදුරටත් සිය යුද අරමුණු නොවෙනස්ව ඉදිරියට පවතින බව රුසියානු ජනාධිපති ව්ලැදිමීර් පුටින් පවසයි.

යුක්‍රේනයට එරෙහි යුද්ධය ආරම්භ කිරීමෙන් පසුව එරට පැවති දැවැන්තම මාධ්‍ය හමුව වෙත එක්වෙමින් පුටින් මේ බව සඳහන් කර තිබේ.

එහිදී වැඩිදුරටත් අදහස් දක්වමින් පුටින් පවසන්නේ යුක්‍රේනය සමග සාමය ඇතිවන්නේ සිය අරමුණු සාක්ෂාත් කරගැනීමෙන් පසුව පමණක් බවය.

මේ අතර ස්වෛරීභාවයෙන් තොරව රුසියාවේ පැවැත්මක් නොමැති බවද පුටින් එහිදී සඳහන් කර තිබේ.

එසේම එහිදී පුටින් එහිදී වැඩිදුරටත් අදහස් දක්වමින් සඳහන් කර ඇත්තේ අනෙකුත් රටවල මිනිසුන්ට ගරු කරන ලෙස අමෙරිකාවෙන් ඉල්ලා සිටින බවය.